Azərbaycanın bölgələrində fermer yüksək keyfiyyətli meyvə və tərəvəz yetişdirir, lakin məhsulu vaxtında və dəyərində satmaq çox vaxt istehsalın özündən çətin olur. Satış kanalı tapmaq, nəqliyyat, saxlanma və qiymət danışıqları ayrı-ayrılıqda vaxt tələb edir və fermeri əsas işindən ayırır.
Fructo bu yükü fermerin üzərindən götürür. Məhsulu qəbul edir, keyfiyyətini yoxlayır, çeşidləyir, qablaşdırır və topdan satış şirkətlərinə, market şəbəkələrinə, emal müəssisələrinə və ixrac bazarlarına çatdırırıq. AISCO-nun təchizat təcrübəsi sayəsində fermerə təkcə satış mərhələsində deyil, istehsalın əvvəlki mərhələlərində də dəstək veririk.
